Sa tahaw kan mga kurahaw yaon an mga pagal na lawas
Nakipagsûsuan sa mga bitis na mayong tsinelas
Mga labakarang dapat sana sa gânot iyo an pamunas
Pigaapon para lamang madukutan an banal na andas.
Ini an lalawgon kan mayong katapusan na pagkamoot
Mayong muhon an tandâ kang kun sain sa kinaban an maaabot
Kan debosyon na maski pagkahelang sa pakikipagsûsuan mayong labot
An mga tawong pirmi giraray minapuli na mayong hapot-hapot.
Hali sa iba-ibang lugar sinda nakikisaro sa mga gânoton na lawas
Sa pagkurahaw sa pag-agi kan Inang nakalunad sa andas na maalnas
Daing labot kun mahulog asin mabarian basta maiapon an pamunas
Na iuuli sa harong sa pamilyang naghahalat nin pangontra sa pagtitios asin malas.
Minsan iisipon mo kun dapat iasa sa pamunas an buhay kan tawo
Kun an gânot, pagkahelang asin pagkaherido may bertud na itatao
Pero ano an diretso ko para maghapot sa debosyong tunay asin mayong disgusto
Kan mga tawong naglalakaw na mga mayong tsinelas sa pig-agihan na tinampo.
May mga bagay na dai na dapat inihahapot
Dahil an misteryo kan buhay mayo sa satong mga kamot
Mga labakarang pamunas kan mga lawas na pigagânot
An simbolo kan buhay na an inaatubang dai niyatong kapot.
PAWIS AT PANANAMPALATAYA
(Filipino translation)
Sa gitna ng mga sigaw doon matatagpuan ang mga pagod na katawan
At dito ang mga walang suot na tsinelas ay nakikipagsiksikan
Mga labakarang sana ay ginagamit para ang pawisan ay mapunasan
Ay itinatapon upang ang banal na andas ay madikitan at madampian.
Ito ang mukha ng pagmamahal na walang katapusan
Walang nakatirik sa mundong ito na tanda ng kanyang hangganan
Isang pananampalatayang sakit man ay hindi kinakatakutan kahit makipagsiksikan
Mga debotong laging umuuwi nang walang pagtatanong at buong katapatan.
Mula sa iba’t ibang lugar sila ay nakikiisa sa mga katawang pawisan
Sa pagsigaw para sa Inang sa isang madulas na andas nakalulan
Sa mga taong basta maitapon ang pamunas kahit mahulog, mabalian at masaktan
Para maiuwi sa pamilyang naghihintay ng lunas sa malas at kahirapan.
Minsan maiisip kung pangontra ba talaga sa malas ang pamunas
Kung may bisa ba ang pawis, sakit at bali sa buhay na malas
Subalit ano ang karapatan natin sa tapat na deboto ay magduda
Mga taong kayang maglakad sa mainit na alkitran kahit walang saplot ang mga paa.
May mga bagay na dapat hindi na tinatanong at pinagdududahan
Dahil ang misteryo ng buhay ay wala sa kamay natin ang kasagutan
Ang mga labakarang pamunas sa mga katawang pawisan
Tanda ng mga talinghaga sa buhay na ang kinabukasan hindi sa atin nananahan.
Comments